|
2011-04-30
Гадаадад сурах замд “тохиолдох” шалгалтууд
Өндөр хөгжилтэй орнуудад суралцахад мөнгө төлж, эсвэл тэтгэлэгээр суралцах гэж байгаа эсэхээс үл хамааран хэд хэдэн шалгалтыг өгдөг билээ. Эдгээр шалгалтуудад амжилттай оролцож, хангалттай оноо авч чадвал тэтгэлэг, тусламж авах бололцоо өргөнөөр нээгддэг юм. Нийтлэг, стандарт болсон шалгалтуудаас танд товч танилцуулья.
TOEFL
Хууль зүй, эдийн засаг, бизнес, улс төр, байгалийн шинжлэх ухаан гэх мэт ямар ч чиглэлээр суралцах хүн заавал TOEFL (Test оf English as а Foreign Language) шалгалт өгнө. Ялангуяа АНУ, Канадад энэ шалгалтад маш их ач холбогдол өгдөг. Харин Англид төдийлөн ач холбогдолтой биш. Ойролцоогоор 550-иас дээш оноо авч байж ямар нэгэн сургуульд орох эрхтэй болно. Шалгалтад оролцохын тулд зургаан долоо хоногийн өмнө төлбөрийн 120 ам.долларыг тушааж, бүртгүүлэх хэрэгтэй. TOEFL сонсох, унших, уншсанаа ойлгох, бичгийн чадварыг шалгах гэсэн 4 хэсгээс бүрдэнэ. Нийт гурван цаг орчим үргэлжилнэ. Дэлгэрэнгүй мэдээллийг http://www.toefl.org сайтаас авна уу.
SAT I
Энэ шалгалт нь АНУ-ын сургуулиудад бакалавр зэргээр суралцахад (Scholastic Assessment Tests) оюуны чадвар болон уран зохиол, түүх, математикийн ерөнхий мэдлэгийг шалгадаг юм. Үгийн баялаг, алгебрын талаарх ойлголт маш чухал. Хоёр төрөл бий. Ерөнхий тест /3 цаг орчим/болон тухайлсан тест / нэг цаг орчим/. Энэ шалгалтыг өгөхийн тулд эрдэм шинжилгээний үгнүүдийг ядаж гадарладаг байх хэрэгтэй. Дэлгэрэнгүй мэдээллийг http://www.collegeboard.com сайтаас авна уу.
GRE
Магистрт суралцах бол Graduate Record Examinations буюу GRE шалгалтыг өгдөг. Энэ шалгалт мөн ерөнхий болон тухайлсан гэсэн хоёр хэлбэртэй. SAT-тай адил ерөнхий мэдлэгийг шалгадаг боловч илүү өндөр шалгана. Ерөнхийдөө та бакалаврын мэдлэгээ шалгуулна гэсэн үг. Дэлгэрэнгүй мэдээллийг http://www.gre.org/splash.html сайтаас авна уу.
GMAT
Graduate Management Admission Test нь MBA буюу бизнесийн удирдлагын чиглэлээр магистрын түвшинд сурах гэж байгаа хүнээс авдаг шалгалт юм. Хувь хүний математик сэтгэлгээ, дүн шинжилгээ хийх чадвар, ерөнхий мэдлэг, англи хэлний чадварыг давхар шалгадаг. Дүн шинжилгээ хийх текст, асуултууд, логик сэтгэлгээний асуултууд, текстийг уншаад өгүүлбэрүүдийн бүтэц, логикыг ойлгох, бодох гэсэн 3 төрлийн даалгавраас бүрдэнэ. Дээд оноо 800 бөгөөд MBA-д ороход 600-720 оноог шаарддаг. Дэлгэрэнгүй мэдээллийг http://www.gmac.com/ сайтаас авна уу.
LSAT
The Law School Admission Test. Хуулийн сургуулиудад сурахад өгдөг тестийн шалгалт. Дэлгэрэнгүй мэдээллийг http://www.lsac.org/ сайтаас авна уу.
TOEIC
The Test of English for International Communication. Олон улсын харилцааны ажил хэргийн түвшинд хэрхэн харилцах чадвартайг тогтоодог шалгалт. Нэлээд мэргэжлийн талын мэдлэг, чадварыг шалгана. Дэлгэрэнгүй мэдээллийг http://www.toeic.com/ сайтаас авна уу.
MCAT
Medical College Admission Test-ийг Анагаах ухааны чиглэлээр суралцах хүмүүсээс авах бөгөөд шийдвэр гаргалт, шүүмжлэлт сэтгэлгээ, бичгийн чадвар, анагаах ухааны ерөнхий мэдлэг, онол зэргийг шалгана. Бичгийн чадвар, Физикийн шинжлэх ухаан, Биологийн шинжлэх ухааны мэдлэгийг шалгана. Дэлгэрэнгүй мэдээллийг http://www.aamc.org/students/mcat сайтаас авна уу.
|
| .
Сэтгэгдэл бичих! .
Найздаа илгээх! . Уншсан: 388 удаа
|
Сэтгэгдлүүд
|
